1 – қазан «Қарттар күні» меркесі

«Қарты бар үйдің – қазынасы бар», - деп, дана халқымыз айтқандай, үйінде қариясы бар жанұя шынында да, қазыналы, берекелі жанұя. Қазіргі кезде қарттарға үлкен мән беріп, көңіл аударып, жан – жақты қамқорлық жасалуда. Осыған орай елімізде 1 – қазан «Қарттар күні» меркесі аталып өтеді. Мектебімізде де мерекеге байланысты іс          - шаралар өткізіліп жатыр. Әрбір сыныптар «Қарттарым – асыл қазынам» тақырыбында сынып сағаттарын өткізді.  Оқушылар ата – әжелеріне құттықтауларын айтып, бейнеролик түсіріп, жылы лебіздерін жолдады. Өздерінің жасаған сыйлықтарын табыстап, қарттарымызды қуанышқа бөледі.